मेरा भारत महान

(सगळे एकत्र)
अर्थमंत्री, अर्थमंत्री,
कसा असेल अहवाल ?
कोणाची मज्जा असेल ?
आणि कोणा कोणाचे हाल ?

(पहिला गट)
अर्थमंत्री, अर्थमंत्री,
सब्सिडी आमची माय
पेट्रोल, रेशन वाढवू नका हो,
शिवाय घरगुती गॅस चे काय ?

(दुसरा गट)
अर्थमंत्री, अर्थमंत्री,
कराचा बोझा वाढेल ?
इन्कम टॅक्स आणि सर्विस टॅक्स
मध्यमवर्गियांना गाढेल ?

(तिसरा गट)
अर्थमंत्री, अर्थमंत्री,
आम्हीच अर्थव्यवस्थेला तारी
जरा आमच्यापण गरजांचं बघा
गाड्या, इलेक्ट्रॉनिक्स आणि ज्युवेलरी

(तिनही गट एकत्र)
अर्थमंत्री, अर्थमंत्री
सब्सिडी जास्ती आणि टॅक्स व किमती कमी
विकासाची कामे मात्र
वाढत राहतील याची हमी

(अर्थमंत्री)
माझ्या प्रिय देशबंधूंनो,
तुम्ही म्हणाल ते करतो,
सगळ्यांना खुश करून
मतांचे पोते अधिक भरतो